Friday, February 25, 2011

ગિરનારમાં - નીતિન વડગામા


                 ૨૪.૦૨.૨૦૧૧
                   આજે માણીએ ગિરનાર ઉપર શ્રી નીતિનભાઈ વડગામા નું  સુંદર કાવ્ય.........


              ગિરનારમાં - નીતિન વડગામા 


સાંજ થાતાં ઝાલરોનો નાદ ઝીણો ઝણઝણે,
ભાવભીનો શંખ પણ ફૂંકાય છે ગિરનારમાં.
                  ત્રાડ સાવજની વછૂટે છે અચાનક આભમાં,
                  કૈંક ટહુકા એમ થીજી જાય છે ગિરનારમાં.
                ધૂપ-દીવા સાથ મીઠી મ્હેક છે લોબાનની,
                 ભેદ ચપટીમાં બધા ભૂંસાય છે ગિરનારમાં.
પથ્થરોમાંથી કથાઓ સામટી સામી મળે,
આપણો ઈતિહાસ ઊભો થાય છે ગિરનારમાં.
               સંત, શૂરા ને સતીનાં થાનકો ટોળે વળે,
              જીવતો ભૂતકાળ એ સચવાય છે ગિરનારમાં.
                 શ્વાસ આપોઆપ સઘળા થાય છે કેવા સભર!
                  વેદની ઋચા બધી વંચાય છે ગિરનારમાં.
જીવ શું છે? શું જગત છે? એ બધાયે પ્રશ્નનો-
અર્થ સાચો આખરે સમજાય છે ગિરનારમાં

Friday, February 18, 2011

નમામી દેવી નર્મદે


૧૭.૦૨.૨૦૧૧
૧૦.૦૨.ના રોજ આપણા ગુજરાતની લોકમાતા નર્મદાનો પ્રાગટ્ય દિવસ છે. પુરાણો મુજબ મહા સુદ સાતમના દિવસે ભગવાન શંકરે પોતાના આશીર્વાદ દ્વારા નર્મદા નદીનું પ્રાગટ્ય કર્યું. આપણી સંસ્કૃતિ મુજબ યમુનામાં સ્નાન કરવાથી, જ્યારે ગંગાના આચમન દ્વારા પાપમુક્ત થવાય છે. પણ નર્મદાના તો દર્શનથી જ સઘળાં પાપોનો નાશ થાય છે. વિશ્વમાં કદાચ નર્મદા એકલી નદી છે જેની પરિકમ્મા કરવામા આવે છે. તેને અત્યંત પુણ્યશાળી મનાય છે.તારીખ ૧૨/૧૩-૦૨-૨૦૧૧ ના રોજ સરદાર સરોવર અને નર્મદા કિનારે જવાનું થયું .અદભુત આનંદ ની અનુભુતી થઇ.

પૈસા…. પૈસા….. પૈસા…..


૧૭.૦૨.૨૦૧૧
પૈસા…. પૈસા….. પૈસા…..
પૈસા મકાન ખરીદી શકે છે, ઘર નહિ….
પૈસા ખાટલો ખરીદી શકે છે, ઊંઘ નહિ
પૈસા ઘડિયાળ ખરીદી શકે છે, સમય નહિ
પૈસા પુસ્તક ખરીદી શકે છે, જ્ઞાન નહિ
પૈસા હોદ્દો ખરીદી શકે છે, સમ્માન નહિ
પૈસા દવા ખરીદી શકે છે, આરોગ્ય નહિ….
પૈસા લોહી ખરીદી શકે છે, જીવન નહિ….

પૈસો સર્વસ્વ નથી. ઊલટું એ ક્યારેક પીડા અને દુ:ખનું કારણ બની રહે છે. હું તમને આ જણાવી રહ્યો છું, કારણ કે હું તમારો મિત્ર છું, શુભચિંતક છું અને મારે તમારાં દુ:ખ અને પીડા હરી લેવાં છે. તો હવે તમારા બધા પૈસા મને મોકલી આપો જોઈએ. હું તમારાં દુ:ખ અને પીડા ભોગવી લઈશ (!) રોકડમાં મોકલાવજોઓકે ?
 સૌથી…. સૌથી નિરર્થક કરાતી વસ્તુ ચિંતા
સૌથી વધુ મોટો આનંદ આપવાનો, વહેંચવાનો
સૌથી વધુ મોટી ખોટ સ્વમાન ગુમાવવું
સૌથી વધુ સંતોષ આપનારું કામ બીજાને મદદ
સૌથી કદરૂપો દુર્ગુણ સ્વાર્થ
સૌથી વધુ દુર્લભ જાતિ સમર્પિત આગેવાન / નેતા
સૌથી સારી ભેટ પ્રોત્સાહન
સૌથી વધુ દૂર કરવાની જરૂર હોય તેવી મુશ્કેલી ભય
સૌથી વધુ અસરકારક ઊંઘની દવા મનની શાંતિ
નિષ્ફળતા માટે સૌથી વધુ જવાબદાર બહાનાં કાઢવાની વૃત્તિ
જીવનમાં સૌથી વધુ બળવાન તાકાત પ્રેમ
સૌથી વધુ ખતરનાક વ્યક્તિ જેનાથી દૂર જ રહેવું નિંદાખોર
દુનિયાનું સૌથી વધુ શક્તિશાળી કમ્ય્પ્યૂટર માણસનું મગજ
સૌથી વધુ રાખવા જેવી વસ્તુ આશા / શ્રદ્ધા
સૌથી વધુ ખતરનાક શસ્ત્ર જીભ
સૌથી વધુ તાકાત ધરાવતા શબ્દો – ‘હું સમર્થ છું / હું કરી શકીશ.
સૌથી વધુ કીમતી મૂડી વિશ્વાસ
સૌથી વધુ હલકી લાગણી પોતાના પર દયા
સૌથી વધુ મૂલ્યવાન, ધરાવવા જેવી વસ્તુ પ્રમાણિકતા
સૌથી વધુ સુંદર ધારણ કરવા જેવી વસ્તુ સ્મિત
ઈશ્વર સાથે વાત કરવાનો સૌથી વધુ અસરકારક રસ્તો પ્રાર્થના
સૌથી વધુ ચેપી લાગણી ઉત્સાહ / ધગશ
જીવનમાં સૌથી વિશેષ મહત્વની વસ્તુ ઈશ્વર અને તેમાં શ્રદ્ધા