મારા વિષે

હું નિરુપમ અવાશિયા.....
વતન જુનાગઢ,હાલ વડોદરા ,કર્મ ભૂમિ મહદ્ અંશે ખેડા જીલ્લો.

મહારાજા સયાજીરાવ  યુનિવર્સીટી નો બી.ઈ.(ઈલેક્ટ્રીકલ).

કનીશા સ્ટીલ,અમુલડેરી,ગુજરાત વિદ્યુત બોર્ડ (ખાનગીકરણ બાદ ગુજરાત સ્ટેટ ઈલેક્ટ્રીસીટી કંપની લિમીટેડ)માં સેવા આપી.

નોકરી નાં ભાગ રૂપે કમ્પ્યુટર અંગે થોડીઘણી જાણકારી મેળવેલ.બચપણ થી જ સાહિત્ય વાંચન નો શોખ ખરો. કોમ્પ્યુટર નો વ્યાપ વધતાં પરિવાર નું ઈ-ગ્રુપ બનાવ્યું.બ્લોગ બનાવવાની ઈચ્છા ખરી પરતું ટેક્નીકલ જાણકારી નો અભાવ.મારા નાનાપુત્ર ચી. જગત ની ટેક્નીકલ સહાય,સલાહ, મોટાપુત્ર ચી.પાર્થ ની મારા માટે નિસ્વાથૅ સેવા,અને પત્ની કિરણ નું પ્રોત્સાહન ..... પરિણામ સ્વરૂપ નેટ જગત માં મારા “વાત્સલ્ય” બલોગ નો ઉમેરો થયો .

તો "વાત્સલ્ય"માં આપ સર્વેનું ઉમળકાભેર સ્વાગત............

હું નથી લેખક કે નથી કવિ,

બસ, છું તો માત્ર કવિતાનો ચાહક.

હું તો ભેળી કરી રહ્યો કવિતાઓ,

ને પીરસી રહ્યો આપની સમક્ષ.

મેં તો બનાવ્યું “શબ્દોનું સરોવર” આજ,

ને,બનાવીશ સ્વલિખિત કવિતા કાલ.

આપ સૌ પધારો મારે આંગણે,

ને, માણો મનગમતા કાવ્યો/લેખો ની મોજ.

                                        પંક્તિ સૌજન્ય : ઘનશ્યામ વઘાસીયા

અમે

અસલરૂપે અમે દુનિયાને દેખાઈ નથી શકતા,


   બહુ સાદા સરળ હોવાથી સમજાય નથી શકતા.


    યુવાની જાય છે, ક્યાં વૃદ્ધ બનતાં વાર લાગે છે !


 જીવન જીવતા રહીને બુદ્ધ બનતાં વાર લાગે છે;

કશું પાસે ન હો ઝાઝું, કશાની ખેવના ન હો,


જીવનમાં એટલા સમૃદ્ધ બનતાં વાર લાગે છે.



સંકટ ભરેલી જિંદગીથી હારનારો હું નથી,


સાગર ડૂબાડી દે મને, તેવો કિનારો હું નથી;


મારે સદા અજવાળવા, અંધાર ઘેર્યા પંથ સૌ,


ચમકી અને તૂટી પડે, તેવો સિતારો હું નથી.